Il Partît Democratic in Regjon al jude lis fameis a bas redit a sostignî lis spesis pai libris di test e pal traspuart scolastic

Un contribût par sbassâ i coscj di istruzion dai nestris fruts

Il cost dal materiâl scolastic (cuaders, penis, sacs, e v.i.) al è cressût dal 2,5% a pet dal 2016. Par fortune i libris di test no son cressûts di presit. In medie une famee taliane e spint par un student de Scuele secondarie di II grât:

  • 511 euros pal materiâl scolastic (CODACONS)*
  • 291 euros pai libris di test (MIUR)**
  • 234 euros pal traspuart scolastic (ricercje ISTAT)***

Cifris che a tocjin a fuart il belanç des fameis e che a metin in dificoltât i nuclis cun redit bas. Il Grup consiliâr PD e la Zonte di centriçampe dal Friûl - Vignesie Julie a judin cuntun contribût economic i gjenitôrs che a vuelin garantî ai fîs une istruzion superiôr.

La Regjon e à stanziât 2,5 milions di euros par dâ aes fameis cun redit bas contribûts par:

  • traspuart scolastic
  • comprâ i libris di test

L'aiût economic al è destinât ai nuclis familiârs dai students iscrits ai ultins 3 agns de Scuele secondarie di II grât. L'assegn di studi al cuvierç ancje i iscrits al bieni cuant che:

  • la scuele no à inviât il servizi di libris in prestit (previodût ancje pes mediis)
  • la scuele no à nissun dai libris di test di dâ in prestit

A trop che al rive il contribût pai students

La Regjon e sosten cuntun aiût economic lis fameis cun:

  • students residents in Friûl - Vignesie Julie
  • un ISEE fin a 33.000 euros

L'impuart dal assegn di studi al è determinât di trê parametris:

  • la classe frecuentade
  • la distance dal istitût
  • l'acès al servizi libris in comodât

La cifre dal contribût no dipent de fasse ISEE dal nucli familiâr:

distance cjase-scuele dentri i 20 km distance cjase-scuele superior a 20 km
Comodat Sì Comodat No Comodat Sì Comodat No
Students I e II an 150 euro 350 euro 200 euro 400 euro
Students III, IV e V an 350 euro 400 euro

I students che a fasin tratis cjase-scuele di plui di 20 km a àn dirit a un contribût plui alt. Al assegn di studi a puedin sumâsi altris beneficis economics.

Se i fonts regjonâi no bastin a cuvierzi dutis lis domandis rivadis, la Regjon e favorìs lis fameis cuntune situazion economiche plui debile. I nuclis cuntun bas ISEE a àn un assegn plui alt des fameis cun plui redit. L'ordin di prioritât al dipent de division in 3 fassis ISEE:

Faše ISEE minim ISEE massim
Prime faše 0,00 16.500 euros
Seconde faše 16.500,01 euros 22.000 euros
Tiarze faše 22.000,01 euros 33.000 euros

la liste dai beneficiaris e la cifre dal contribût si puedin viodi in linie.

L’articul al va in denânt chì sote. Tu podis lassà i tiei datos par vé lis gnovis sui servizis cà son par te:

Cemût presentâ la domande pal assegn di studi

La domande di contribût e pues presentâle:

  • un dai gjenitôrs
  • la persone responsabile pal minôr
  • il student, se al è maiôr di etât

Al covente scrit un modul par ogni fi iscrit te Scuele secondarie di II grât.

Lis informazions sul assegn di studi a puedin jessi domandadis par pueste eletroniche o par telefon a chescj contats:

Comun E-mail Telefon
Gurize assegnistudio_gorizia@regione.fvg.it 0481/385313 - 0481/385283 - 0481/385284

Pordenon assegnistudio_pordenone@regione.fvg.it

0434/231342 - 0434/231366

Triest assegnistudio_trieste@regione.fvg.it

040/3798434 - 040/3798467 - 040/3775270

Udin assegnistudio_udine@regione.fvg.it

0432/279631 - 0432/279325 - 0432/ 279412

Libris in prestit pai arlêfs des scuelis secondariis di prin grât e pai students dal bieni

Lis fameis dal Friûl - Vignesie Julie no son costretis a comprâ ducj i libris di test che a coventin par fâ studiâ lôr fîs. I students a puedin otignî in prestit a gratis i libris domandantju ai istitûts scolastics. La Regjon Friûl - Vignesie Julie e contribuìs cun 2,4 milions di euros (un tierç di ce che al covente) al acuist des furniduris didatichis pal studi des materiis fondamentâls e facoltativis.

Il comodât gratuit a puedin domandâlu:

  • i arlêfs des scuelis secondariis di prin grât
  • i students dal bieni (scuelis secondariis di secont grât)

Il contribût regjonâl al è concedût ai istitûts scolastics statâi e paritaris, che a àn di garantî a ducj i students chel stes tratament. A son a disposizion a gratis:

  • i libris di test individuâi
  • i libris di test di ûs coletîf (ancje vocabolaris e atlants)

Lis politichis di poie ae istruzion dal guvier regjonâl di centriçampe a àn finanziât 184 istituzions scolastichis e judât miârs di fameis dal Friûl Vignesie Julie. Otignî i libris in prestit al è facil: i gjenitôrs a àn des scuelis dutis lis informazions par vê chest servizi. Ogni istitût al à aiûts economics daûr dal numar dai iscrits. Il contribût al è di:

  • 175 euros par arlêf inte prime classe de scuele secondarie di prin grât
  • 100 euros par arlêf inte seconde e tierce classe de scuele secondarie di prin grât
  • 200 euros par arlêf inte prime classe de scuele secondarie di secont grât
  • 125 euros par arlêf inte seconde classe de scuele secondarie di secont grât

RIFERIMENTS

*(CODACONS)
**(MIUR)
***(Ricerca ISTAT)

Podaressin ancje interessàti chiscjui servizis: