Il centriçampe al Guvier de Regjon al promôf stîi di vite sans par personis e fameis

Cu la leç sul invecjament atîf sostignude dal Grup PD a son tancj progjets par une vite dinamiche e in salût

Par rivâ ae vecjaie in buine salût si à di tignî un bon stîl di vite za intai agns prime. In Italie a cressin lis personis tra i 65 e i 74 agns che a àn abitudins sanis (ISTAT):

  • al cres dal 60% il numar di cui che al fâs ativitât fisiche cun continuitât
  • al cale il numar dai fumadôrs (- 0,8%)
  • al cres cui che al mangje 5 porzions in dì di jerbis e pomis (+ 6,1%)*

La cressite dai bogns stîi di vite nol à di dâ ilusions. I talians a son ancjemò un popul cun costums pôc sans:

  • il 44,5% des personis tra 55 e 74 agns a son sedentariis (il 68% tra chei parsore dai 75 agns)
  • il il 38% dai oms e la 8,1% des feminis parsore dai 65 agns a bevin masse
  • il 15,7% des personis tra 65 e 74 agns a pesin masse*

Une campagne di informazion e prevenzion difondude e pues cambiâ i compuartaments che a fasin mâl ae salût.

In Friûl - Vignesie Julie, la Zonte di centriçampe e à inviât progjets destinâts ai anzians par un stîl di vite plui san. I programs a son fats des Aziendis pe assistence sanitarie in colaborazion cul tierç setôr e cu lis associazions.

L’articul al va in denânt chì sote. Tu podis lassà i tiei datos par vé lis gnovis sui servizis cà son par te:

Il Grup consiliâr PD in Regjon e à sostignût la leç sul invecjament atîf che vuê al promôf sul teritori:

  • la ativitât fisiche, sensibilizant i miedis di famee sul probleme de obesitât
  • une alimentazion sane, ancje cun acuardis cu lis impresis alimentârs
  • une vite dinamiche e ative ancje a nivel inteletuâl
  • progjets di socializazion
  • un program sociâl di curis dentistichis

Il Friûl - Vignesie Julie al ufrìs percors turistics pardabon acessibii a ducj

Il progjet si clame Une Regjon par ducj e al è nassût in colaborazion cu la Consulte regjonâl des personis disabilis e la Associazion tetraparaplegjics dal Friûl - Vignesie Julie. Al ufrìs ai anzians la esperience di un turisim pardabon acessibil parcè che al propon itineraris sperimentâts di personis cun disabilitât. Cui che al à plui di 65 agns al pues sielzi tra:

  • destinazions al mâr
  • citâts
  • permanencis in mont
  • areis naturâls

L'obietîf dal progjet al è fâ sintî ospit l'anzian, che al pues disponi di servizis par cualsisei esigjence. La Regjon e à promovût percors di formazion e inzornament par:

  • il personâl dai InfoPoint sul teritori regjonâl
  • lis vuidis turistichis
  • lis vuidis naturalistichis
  • i acompagnadôrs turistics
  • il personâl sanitari des destinazions “acessibilis a ducj”

Tarifis agjevoladis par cui che al ame i sports invernâi

Il scont sui coscj dal skipass al è atîf di dôs stagjons in dutis lis stazions schiistichis dal Friûl - Vignesie Julie. I anzians cun plui di 65 agns a pain un presit sbassât pai implants. A chei parsore dai 75 l'acès aes struturis di assension al è a gratis. Al baste presentâ un document di identitât ae casse.

I presits par chei che a àn plui di 65 agns a son chescj:

Sci@sempre (skipass stagjonâl) Sci@ore (skipass zornalîr bon dales 3 ales 5 oris) Skipass cal val par plui dis e vaid in dutis lis stazions schiistichis PromoTurismo FVG
158 euros par 30 oris (al puest di 180 euros) 27 euros par 5 oris (al puest di 31 euros) 52 euros par 2 dis consecutîfs (al puest di 64 euros)
131 euros par 20 oris (al puest di 150 euros) 25 euros par 4 oris

(al puest di 28 euros)
163 euros par 7 dis consecutîfs (al puest di 186 euros)
79 euros par 10 oris (al puest di 90 euros) 22 euros par 3 oris (al puest di 25 euros)

Nol è mai masse tart par imparâ: la Regjon vuidade dal centriçampe e incrès i finanziaments aes Universitâts de tierce etât

Lis Universitâts de tierce etât e des LiberEtà ativis in Friûl - Vignesie Julie a son istituzions di promozion sociâl pe educazion permanente dai anzians. Par chest la Zonte regjonâl di centriçampe e il Grup consiliâr PD a finanziin i programs di insegnament des associazions ricognossudis. Intal 2016 a son stadis finanziadis 20 istituzions par un impuart di 170.000 euros.

Il contribût al cuvierç i programs di insegnament inte misure dal:

  • 40%, daûr dal numar di oris di didatiche e di laboratori fatis intal an academic prime
  • 50%, daûr dal numar dai utents iscrits in complès intal an academic prime
  • 10%, daûr dal numar dai utents iscrits che a àn fat 65 agns intal an academic prime

Se tu vuelis cognossi dutis lis iniziativis de Regjon Friûl - Vignesie Julie sul invecjament atîf e jentrâ in contat cui professioniscj che a operin in chest setôr, la Regjon e à viert un portâl specific. Lant tal sît web si puedin condividi informazions, buinis pratichis e tantis oportunitâts di colaborazion:

BOTON INVECJAMENT ATÎF

RIFERIMENTS

*(ISTAT)

Podaressin ancje interessàti chiscjui servizis: