Contribûts par 69 milions di euros in 2 agns e percors di inseriment sociâl. Ve ca cemût che il Guvier regjonâl di centriçampe e il Partît Democratic a combatin il malstâ sociâl e la puaretât

Lis politichis sociâls di poie al redit a àn judât 15.801 fameis

Lis fameis talianis a vivin agns dificii parcè che a son plui puaris che tai agns prime. Cundut de cressite dai consums e de ocupazion, al cres il numar des personis in dificoltât:

  • 4 milions di fameis a àn redit bas*
  • la puaretât assolude e tocje il 6,1% des fameis*
  • il 28,7% de popolazion e je a pericul di puaretât o di esclusion sociâl*

La cause principâl dal malstâ economic e je il lavôr di basse cualitât (Rapuart 2017 ISTAT). Il Grup consiliâr PD e la Zonte di centriçampe dal Friûl - Vignesie Julie a àn rispuindût aes dificoltâts di personis e fameis cun contribûts economics di poie al redit.

Intal 2016 lis politichis sociâls dal Guvier regjonâl a àn dât un aiût concret a:

  • 15.801 fameis
  • ven a stâi 43.022 personis

Dilunc dal bieni 2016/2017 il Guvier regjonâl di centriçampe al à stanziât 69 milions di euros par judâ lis personis a frontâ la lôr cundizion di dificoltât.

Misure di inclusion ative cun poie al redit: un aiût economic e progjets formatîfs par frontâ lis dificoltâts. 6.000 personis inviadis al lavôr intal 2016

La Regjon Friûl - Vignesie Julie no concêt dome un jutori economic aes personis che a domandin la misure di inclusion ative. Il Guvier regjonâl di centriçampe al vûl judâ cui che al è in dificoltât a vignî fûr in maniere definitive des sôs dificoltâts.

Par cheste reson e propon un pat tra il Servizi Sociâl dal Comun di residence e il nucli familiâr cun problemis economics. Te definizion dal acuardi a àn part i Centris regjonâi pal implei e i Centris regjonâi pal orientament. La persone che e domande aiût economic si impegne a lâ daûr di un percors di:

  • inseriment sociâl
  • ocupabilitât
  • inseriment di vore

A son 6.000 lis personis inviadis al lavôr intal 2016 dopo vê sotscrit il pat.

Cui che nol rispiete l'acuardi nol à plui dirit al contribût. Il pat al impegne ducj i maiôrs di etât de famee che a concuardin percors individuâi par vignî fûr dai problemis economics.

Se tu âs bisugn di altris informazions par te o une persone de tô famee scrîf il MODUL RACUELTE

L’articul al va in denânt chì sote. Tu podis lassà i tiei datos par vé lis gnovis sui servizis cà son par te:

Al à dirit al contribût il nucli familiâr cun ISEE fin a 6.000 euros

La misure di inclusion ative cun poie al redit e pues jessi domandade di nuclis familiârs cun almancul un component:

  • citadin talian o comunitari
  • citadin forest cun permès di permanence
  • rifugjât
  • resident in Friûl - Vignesie Julie di almancul 24 mês continuatîfs

Par domandâ il contribût, il redit ISEE de famee nol à di passâ i 6.000 euros. Il totâl al è definît daûr dai scaions di redit.

Il contribût al dure di 12 mês e al ven paiât ogni doi mês. La misure di inclusion ative cun poie al redit e pues jessi concedude par altris 12 mês, ma dopo che a sedin passâts 2 mês de scjadince. In chest câs, il pat di inclusion al à di jessi definît di gnûf dentri di 4 mês dal rinovament dal contribût.

Ve i impuarts dal contribût

Il totâl de misure al dipent dai scaions ISEE:

Scaions ISEE Impuart in euros nuclis familiârs cence minôrs Impuart in euros nuclis familiârs cun 1 minôr Impuart in euros nuclis familiârs cun 2 o + minôrs
anuâl mensîl anuâl mensîl anuâl mensîl
Di 0,00 a 1.000 euros 4.800 400 6.000 500 6.600 550
Di 1.000,01 a 2.000 euros 4.320 360 5.520 460 6.120 510
Di 2.000,1 a 3.000 euros 3.780 315 4.980 415 5.580 465
Di 3.000,01 a 4.000 euros 2.820 235 4.020 335 4.620 385
Di 4.000,01 a 5.000 euros 1.800 150 3.000 250 3.600 300
Di 5.000,01 a 6.000 euros 840 70 2.040 170 2.640 220

Se tu âs bisugn di altris informazions par te o une persone de tô famee scrîf il MODUL RACUELTE

Chestis a son lis domandis di contribût rivadis, dividudis par teritori e composizion familiâr

La misure ative di poie al redit promovude dal Partît Democratic e dal Guvier di centriçampe in Regjon al à rispuindût a un bisugn economic difondût intal teritori dal Friûl - Vignesie Julie:

Trieste Richieste 4.844
Udine Richieste 3.166
Basso Isontino Richieste 1.301
Pordenone Richieste 984
Alto Isontino
Alto Friuli

Il servizi al è stât domandât di:

  • 61,9% talians
  • 57% fameis cun fîs
  • 49% fameis cun almancul 3 components
  • 33% des domandis al è di personis singulis

Il 76,6% des personis che a àn fat domande a àn domandât il contribût par paiâ fits di cjase restâts indaûr.

Pe modulistiche e cliche chi

RIFERIMENTS

*Rapporto 2017 ISTAT

Podaressin ancje interessàti chiscjui servizis: