Cul Partît Democratic in Regjon a cressin i imprenditôrs zovins e lis gnovis aziendis dal Friûl - Vignesie Julie

Il motôr de economie a son lis piçulis impresis: la Regjon e finanzie i progjets dai zovins che a vuelin creâ une aziende

In Italie cui che al cree gnovis impresis al è plui zovin e plui istruît dai imprenditôrs za atîfs. Tra i gnûfs imprenditôrs, a àn mancul di 35 agns:

  • il 27,1% dai titulârs di aziendis cun dipendents
  • il 38,4% dai lavoradôrs in propri*

Lis aziendis di dimension piçule e medie a son il fîl de schene de economie europeane:

  • a rapresentin il 99,8% di dutis lis impresis ativis
  • a produsin il 55% de ricjece
  • a dan lavôr a 75 milions di personis**

In Friûl - Vignesie Julie a son ativis 64.024 impresis:

  • 61.863 cun mancul di 10 lavoradôrs
  • 1.923 a àn tra 10 e 49 lavoradôrs
  • 2.972 a son i lavoradôrs impegnâts intal setôr di ricercje e disvilup***

Un dai problemis plui grancj pai imprenditôrs al è gjoldi dai finanziaments (Europe e PMI). La dificoltât e cres cuant che la aziende e je stade creade di pôc e l'imprenditôr al è zovin. Par cheste reson, il Grup consiliâr PD e la Zonte di centriçampe dal Friûl - Vignesie Julie a son dongje dai zovins che a vuelin fâ imprese cun programs che a assegnin contribûts a fonts pierdûts pai lôr progjets. Veju:

  • Imprenditorie zovine destinât ai imprenditôrs sot dai 36 agns
  • Imprenderò che al finanzie gnovis ideis imprenditoriâls e percors di formazion
  • Microcredit par poiâ lis impresis tant piçulis
  • Rilancimpresa destinât aes impresis piçulis e mediis che a invistissin in inovazion
  • Pachet Zovins pai zovins che a scomencin une ativitât in agriculture

L’articul al va in denânt chì sote. Tu podis lassà i tiei datos par vé lis gnovis sui servizis cà son par te:

2,5 milions di euros a cui che al à mancul di 36 agns par scomençâ une ativitât

La Regjon e finanzie progjets pes ativitâts di imprese dal teritori fatis di zovins. La poie economiche e je concedude traviers Unioncamere a:

  • imprenditôrs che no àn ancjemò fat 36 agns
  • societâts componudis di socis che in maiorance no àn compît 36 agns
  • titulârs di aziendis iscritis in Cjamare di cumierç di mancul di 36 mês

Il contribût (in cont capitâl) al servìs a cuvierzi lis spesis par:

  • invistiments
  • costituzion de imprese
  • prin implant de aziende

Lis spesis finanziadis a àn di jessi funzionâls al esercizi de ativitât di imprese, ven a stâi:

  • Spesis par invistiments Acuist o fit finanziari
    • Implants specifics
    • Machinaris, struments e furniments
    • Furniments
    • Bens imateriâi (par es. Programs informatics)
    • Strumentazion informatiche
    • Machinis
    • Sistemis di sigurece
    • Materiâi e servizis promozionâi (par un impuart massim di 10.000 euros)
  • Spesis pe costituzion
    • Notarîi
    • Adempiments di leç
    • Plan di afârs (par un impuart massim di 10.000 euros)
  • Spesis di prin implant
    • Adeguament o ristruturazion dai locâi pal esercizi de ativitât di imprese (par un impuart massim di 40.000 euros)
    • Realizazion o ampliament dal sît internet (par un impuart massim di 5.000 euros)
    • Fit dai locâi (par un impuart massim di 15.000 euros)
      Inviament de ativitât di francjisie (par un impuart massim di 25.000 euros)

L'impuart massim al cuvierç il 50% dai coscj ametûts de misure e il totâl al cambie daûr dal gjenar di imprese:

  • pes impresis individuâls: di 2.500 a 20.000 euros
  • pes societâts cun almancul trê socis: di 5.000 a 40.000 euros

Par otignî il finanziament al covente partecipâ ai bants regjonâi e presentâ il progjet di imprese. Chescj a son i risultâts otignûts dal program pe imprenditorie zovine cui prins doi bants:

Band Stanziament domande concession
2013 500.000 euros 245 46
2015 2 milions di euros 204 140

Imprenderò: de Regjon 5 milions di euros pai zovins che a vuelin invistî intes propriis ideis o metisi in propri

Imprenderò al è nassût par fâ vignî sù lis ideis imprenditoriâls dal Friûl - Vignesie Julie e favorî il passaç di consegnis tra lis vecjis gjenerazions e chês gnovis intes impresis.

La Regjon e jude i imprenditôrs zovins cun percors di formazion e contribûts a fonts pierdût. Il Guvier di centriçampe al à destinât al program Imprenderò 5 milions di euros di aiûts economics par:

  • creazion di gnovis impresis
  • zovins che a vuelin lavorâ in propri
  • passaç de aziende tra gjenerazions

In graciis di Imprenderò la Regjon e assegne finanziaments a fonts pierdûts pes spesis di:

Spese ametude Impuart contribût
Costituzion de imprese (coscj notarîi e contabii) fin a 2.000 euros
Consulencis specialistichis di inviament de ativitât fin a 2.000 euros
Consolidament e prin implant
Ristruturazions e adeguament locâi progjetazion e direzion lavôrs e colaut
Fin al 15% dal cost frontât
Realizazion sît web Fin a 5.000 euros
Fit locâi de imprese Fin a 12.000 euros
Acuist o fit di bens necessaris ae ativitât (implants specifics, furniments, machinaris, machinari e programs, acuisizion brevets, veicui)
Ativitât di promozion Fin al 15% dal impuart ametût
Organizazion di avigniments Fin al 15% dal impuart ametût

I contribûts a puedin cuvierzi il 75% de spese fin al impuart di 100.000 euros.

Il finanziament al pues rivâ ancje i 200.000 euros intal zîr di trê esercizis finanziaris.

Il progjet Imprenderò al poie i imprenditôrs zovins ancje cun ativitât di formazion e servizis di consulence individuâls. In chest mût, lis ideis si consolidin e lis aziendis a cressin. Ve lis ativitâts formatîfs dal program:

Seminari Côrs Consulences
75 48 individuậi
da 8 ore da 40 e 80 ore 10.000 ore

Cul PD in Regjon, 2 milions di euros pes impresis piçulis e tant piçulis

Il program di finanziaments pal microcredit al è stât sostignût cun fuarce dal Guvier regjonâl di centriçampe e dal Grup consiliâr PD. In cheste legjislature i fonts par finanziâ lis impresis tant piçulis a son cressûts. A puedin jessi poiadis:

  • lis impresis di gnove creazion
  • lis aziendis za esistentis
  • i imprenditôrs zovins
  • lis feminis che a fasin imprese

Il microcredit al è une rispueste zovevule aes dificoltâts economichis des aziendis e une misure preseade in fase di inviament de ativitât.

An Domandis Contributs Stanziaments
2013 254 46 436.000 euros

fonts finîts

2015 257 125 1.900.000 euros

fonts finîts

Il Friûl - Vignesie Julie al torne a partî cu la inovazion: creâts 1.100 puescj di vore in 3 agns

La Italie e je il Paîs cun plui impresis di Europe, pal plui di piçulis dimensions (Cjamare di Cumierç di Milan)**** ma grande part des aziendis di gnove creazion e fâs ativitâts tradizionâls pôc resistents sul marcjât. Lis ativitâts puartadis indevant in maniere tecnologjiche, invezit, a son chês plui competitivis e che a a durin (demografie di imprese/ISTAT)*****.

Vuê i imprenditôrs che a lavorin in setôrs a alte tecnologjie a rapresentin in Italie:

  • il 42,7% dai lavoradôrs in propri
  • il 18,7% dai titolârs di aziendis cun dipendents (ISTAT)*

Il lavôr e la inovazion in Friûl - Vignesie Julie a son cressûts. Merit dal PD e de Zonte di centriçampe in Regjon, che a àn sostignût lis impresis piçulis e mediis che a pontin su ativitâts tecnologjichis e inovativis.

In 3 agns, il plan Rilancimpresa dal Guvier regjonâl al à prodot risultâts clârs:

  • 80 milions di euros assegnâts
  • 1.100 gnûfs puescj di vore
  • 1.700 progjets di inovazion e ricercje finanziâts

Rilancimpresa al à creât un efiet moltiplicadôr dai invistiments: il valôr economic dal program su la economie regjonâl al è di 250 milions di euros.

Plui di 3 voltis la cifre invistide.

>Rilancimpresa 2016 ativitậs finanziadis Fondi: 9.000.000 euros
Cluster par il svilup de ativitậs di rệt 200.000 euros
Supuart managerial PMI 900.000 euros
Coworking e Fab-lab 550.000 euros
Gnovis cooperativis di lavoratôrs de impresîs in crisi 500.000 euros
Infrastrutures consorzis industriậls 3.000.000 euros
Impresîs ares industriậls crisi complesse di Triest 680.000 euros
Progjet pilota APEA (area produttiva ecologicamente attrezzade) 200.000 euros

In graciis dai fonts di Rilancimpresa a son tantis lis microimpresis regjonâls deventadis plui competitivis. Significatîf al è ancje il numar dai microimprenditori che a àn unît lis fuarcis par vê acès ai finanziaments. Lis ativitâts tant piçulis a rapresentin:

  • il 43% des domandis presentadis
  • intant che i 2/3 dai progjets a son stâts presentâts di plui imprenditôrs insiemi par un stes obietîf (agregazions di rêt)

Pachet Zovins: un program di aiûts pai gnûfs imprenditôrs agricui

La Italie e je il Paîs de Union Europeane cun plui zovins impegnâts in agriculture (Coldirets).

Lis impresis agriculis zovinis a son 57.000 e a rapresentin il 6,6% di dutis lis aziendis ativis.

In medie lis aziendis condotis di personis sot dai 35 a àn un faturât plui alt dal 75% e a dan lavôr al 50% di personis in plui.******

Il numar dai imprenditôrs zovins in agriculture al è cressût dal 9% intai prins sîs mês dal 2017 (rapuart AgriOsserva).*******

Di anel debil de economie taliane, la agriculture e je deventade motôr di disvilup e di ocupazion. Il centriçampe in Regjon al à il merit di vê judât i zovins agricultôrs cun programs di disvilup specifics. In graciis des politichis sostignudis dal Partît Democratic, in agriculture si è daûr a fâ un ricambi gjenerazionâl che al è une des resons di cressite dal setôr.

Il Pachet zovins (cjapât dentri inte Programazion 2014-2020) al assegne aes gnovis gjenerazions di agricultôrs:

  • un premi pal principi de gnove ativitât
  • un finanziament a fonts pierdût pai invistiments (inmodernament des struturis, diversificazion des ativitâts, sparagn idric)
  • un servizi di formazion e consulence imprenditoriâl

Cui che al pues domandâ lis misuris dal Pachet zovins

La poie finanziarie e i percors formatîfs dal program regjonâl a son destinâts a zovins:

  • tra i 18 e i 41 agns
  • che a fasin ativitât agricule
  • che si insediin pe prime volte intune aziende agricule di titulârs
  • in possès di competencis e cualifichis professionâls
  • che a presentin un plan aziendâl

La aziende agricule là che il zovin al scomence la sô ativitât e à di:

  • jessi iscrite tal regjistri des impresis de Cjamare di Cumierç, Industrie, Artesanât e Agriculture
  • jessi piçule imprese o microimprese
  • no jessi une imprese in dificoltât
  • no jessi destinatarie di un ordin di recupar in pendence (dopo di une decision de Comission europeane che e declare i aiûts ilegjitims e incompatibii cul marcjât interni)
  • vê une dimension economiche, minime e massime su la base de localizazion prevalente de superficie agricule doprade (SAU).

Primât talian: in Friûl - Vignesie Julie +172% di terens convertîts al biologjic

Il primât dal Friûl - Vignesie Julie intes produzions biologjichis tra lis regjons talianis al è riassumût da dâts (report SINAB 2017):

  • 900 aziendis convertidis al biologjic
  • 13.900 etars coltivâts
  • +172,2% di superficie destinade al sisteme bio********

Un risultât cirût dal centriçampe in Regjon e sostignût dal Grup consiliâr PD che cul Program di Disvilup Rurâl 2014-2020 a àn cressût i premis di assegnâ aes culturis biologjichis. I impuarts a son cressûts ancje dal 250%.

I prodots biologjics a son simpri plui domandâts dai consumadôrs e a rapresentin une font di redit plui grant par cui che al lavore intal setôr:

intai ultins doi agns il marcjât dal bio al è cressût dal 20%.

La Regjon e à stanziât intal 2017 plui di 25 milions di euros par fâ front aes domandis di finanziament dai agricultôrs che a vuelin convertî al sisteme biologjic i terens aziendâi.

Dal ricognossiment des etichetis DOC “Friuli” al Bol AQUA: la Regjon e promôf la cualitât dai prodots e dal lavôr agricul

Invistî intal lavôr dai agricultôrs zovins al significhe valorizâ lis produzions dal teritori sul marcjât. Il Partît Democratic e la Zonte regjonâl di centriçampe a àn promovût e difindût la cualitât dai prodots agroalimentârs dal Friûl - Vignesie Julie.

Il vin al è il prodot dal “made in Italy” plui ricognossût e preseât intal mont (ISTAT):

  • la Italie e je il secont Paîs UE par faturât vitivinicul: 6,6 miliarts di euros ad an.
  • la diference cu la France (9,9 miliarts di euros) al è dât dal nivel dai presits di vendite dai vins francês
  • la etichete DOC e rapresente il 71,2% dal trafic in esportazion talian*********

De etichete DOC al dipent il volum di afârs des aziendis e il valôr dal prodot sul marcjât. Par cheste reson il Partît Democratic e il Guvier regjonâl di centriçampe a àn lavorât al ricognossiment de DOC “Friuli” rivade intal Lui dal 2016, dopo 40 agns di spiete. I obietîfs che la Regjon e vûl rivâ a son doi:

  • puartâ la produzion DOC a 10 milions di butiliis
  • creâ un Consorzi unic des DOC pe tutele dai vins “Friuli” o “Friuli Venezia Giulia”

Il consumadôr al è simpri plui atent ae cualitât e ae divignince dai prodots. E cres duncje la impuartance di difindi lis produzions cun boi di garanzie. Par un tant la Regjon e à istituît il bol AQUA (Agriculture, Cualitât, Ambient ricognossût de UE) che al rapresente tal mût miôr la cualitât regjonâl. I dissiplinârs aprovâts a son 8:

  • Trute blancje e trute rosse
  • Miluç
  • Cjar di purcit
  • Lat di vacje crût e derivâts
  • Patatis
  • capis di colôrs arudis e pedoi di mâr
  • Sparc blanc
  • Mîl

Ducj i dissiplinârs a rispuindin a chês stessis carateristichis di cualitât:

  • segnabilitât totâl de filiere
  • rai limitât di disvilup de filiere (90 km)
  • alts nivei igjienics
  • alt nivel dal benstâ animâl
  • pratichis agronomichis che a ridusin l'implei di fitofarmacs/fertilizants
  • rispiet de vocazion culturâl naturâl dai terens

RIFERIMENTS

*(ISTAT)
**(Europa e PMI)
***(Regione in cifre 2017)
****(Camera di Commercio Milano)
*****(demografia d’impresa/Istat)
******(Coldiretti)
*******(rapporto AgriOsserva)
********(report SINAB 2017)
*********(ISTAT)

Podaressin ancje interessàti chiscjui servizis: