La Europe e domande professions simpri plui cualificadis. Il Guvier regjonâl di centriçampe al invistìs sui zovins finanziant lis spesis di formazion tal forest

Un contribût a fonts pierdût par fâ cressi lis competencis professionâls dai zovins sot dai 35 agns

La economie europeane e domande lavoradôrs simpri plui cualificâts (ricercje dal Centri european pal Disvilup de Formazion Professionâl). Intal 2020 in Union Europeane a saran:

  • il 31,5% di ocupâts cuntun alt nivel di istruzion e cualificazion
  • il 50% di nivei intermedis
  • il 18% di lavoradôrs pôc cualificâts (intal 1996 a jerin il 33%)*

Il sisteme di formazion talian al è indaûr. Intal 2020, la Italie e varà la percentuâl plui alte di Europe di lavoradôrs cuntun bas nivel professionâl:

  • il 37,1% cuintri une medie UE dal 19,5%
  • e dome il 17,5% di ocupâts cun alt nivel di istruzion e cualifichis*

Il nestri Paîs al è daûr a recuperâ in graciis dal impegn des Regjons e il Friûl - Vignesie Julie e je tra chês plui atentis ai invistiments inte formazion. In graciis dal impegn dal Guvier regjonâl di centriçampe e dal Grup consiliâr PD, i zovins professioniscj a puedin domandâ contribûts a fonts pierdût par aumentâ lis lôr competencis cun percors di formazion tal forest. I finanziaments a cuvierzin ancje lis spesis di permanence.

L’articul al va in denânt chì sote. Tu podis lassà i tiei datos par vé lis gnovis sui servizis cà son par te:

Finanziament pe formazion tal forest. Ve cui che al pues domandâlu

La Regjon e finanzie i zovins professioniscj che a fasin ativitâts individuâls, associadis o societariis. Al pues domandâ il contribût cui che:

  • al è resident in Friûl - Vignesie Julie e al à sede operative in regjon
  • al à mancul di 35 agns
  • al è iscrit in ordins o coleçs
  • al è iscrit tes associazions ricognossudis de Regjon Friûl - Vignesie Julie o in chês de liste dal Ministeri pal Disvilup Economic

Par otignî il contribût aes spesis, il percors formatîf al à di:

  • fâsi tal forest
  • li di organisims increditâts
  • concludisi cu la consegne di un titul che al certifiche lis competencis cjapadis su

Il finanziament nol cuvierç lis spesis dai cors di formazion a distance.

La regjon Friûl - Vignesie Julie e ricognòs tra i organisims increditâts:

  • ents o struturis publichis e privadis
  • ordins professionâi
  • academiis
  • scuelis
  • universitât

Il contribût al è concedût dome par aumentâ la competence e lis abilitâts individuâls inte profession inviade.

Un contribût che al cuvierç lis spesis di viaç e permanence e i tescj di studi

La Regjon e concêt il finanziament pes spesis di formazion tal forest ancjemò di sostignî o za sostignudis, ancje chês che a son stadis frontadis intai 24 mês prime de abilitazion professionâl. Il contribût al cuvierç:

  • lis spesis di iscrizion al percors formatîf
  • lis spesis pal acuist dai tescj
  • premis e coscj istrutoris pes garanziis e fideiussions bancjariis o assicurativis dadis al professionist
  • lis spesis di viaç
  • i coscj acessoris di permanence (calcolâts in misure forfetarie su la fonde dal Paîs forest dulà che si fâs il cors e de durade de formazion)

Un aiût economic pe formazion che e sosten fin al 90% dai coscj

Il contribût regjonâl al è un biel aiût par un zovin professionist che al vûl invistî intes propriis capacitâts e cressi lis competencis. L'impuart dal finanziament al cambie daûr dal faturât dal libar professionist e al cuvierç lis spesis pal:

  • 90%, cuant che no je stade presentade ancjemò une declarazion sul faturât
  • 70%, cuant che il volum di afârs al è plui bas di 20.000 euros
  • 50%, cuant che il faturât al è jenfri 20.000 e 40.000 euros
  • 30%, cuant che il faturât al è parsore dai 40.000,00 euros

Al professionist nol pues jessi concedût un contribût plui alt di 10.000 euros. L'incentîf in bêçs nol pues jessi cumulât cun altris misuris di poie economiche previodudis pe formazion professionâl.

La detrazion fiscâl pes spesis di istruzion e determine il sbassament dal impuart di iscrizion amissibile a contribût.

Par informazions:

Servizi inovazion e professions tel. 040 377509/7/8

RIFERIMENTS

*(ricercje dal Centri european pal Disvilup de Formazion Professionâl)

Podaressin ancje interessàti chiscjui servizis: