Cul Partît Democratic in Regjon, il prin program sociâl di prevenzion e cure dentistiche par ducj i fruts e i fantats

La Regjon e garantìs curis odontoiatrichis a gratis ai fruts di 0 a 6 agns e aes fameis a bas redit

La crisi che e à colpît la Italie intai ultins 10 agns e à fat che al sedi dificil pes fameis frontâ lis spesis pe cure dai dincj:

  • il 21% dai fruts talians al à vût za problemis di carie prime dai 4 agns
  • il 43% prime di fâ 12 agns*

Par chest motîf, il Grup consiliâr dal PD Friûl - Vignesie Julie, intune cu la Zonte regjonâl, al à decidût di inviâ un program di sanitât publiche che e garantìs curis pai dincj a ducj i fruts e fantats che a vivin in regjon.

Obietîf dincj sans par ducj i fruts e i fantats

Dal 2016 il Friûl - Vignesie Julie e je la prime Regjon taliane a destinâ un program di servizis odontoiatrics sociâi par fruts e fantats. I obietîfs a son:

  • prevenzion a gratis di 0 a 14 agns
  • curis e aparâts ortodontics a gratis di 0 a 6 agns e pes fameis in dificoltât economiche
  • aparâts ortodontics a presit calamirât pes fameis cun redit bas

Lis patologjiis principâls che ur è dedicât il program a son:

  • carie
  • parodontite
  • male oclusion

A son dutis patologjiis che a puedin jessi prevignudis in graciis di visitis odontoiatrichis periodichis.

Il progjet al è stât coordenât de Cliniche Odontoiatriche e Stomatologjiche de Universitât di Triest e al cjape dentri dutis lis aziendis di assistence sanitarie dal teritori regjonâl.

L’articul al va in denânt chì sote. Tu podis lassà i tiei datos par vé lis gnovis sui servizis cà son par te:

Za 19.000 fruts visitâts cun plui di 25.000 prestazions

Il Program di Odontoiatrie Sociâl de Regjon Friûl - Vignesie Julie, progjetât e inviât dal PD e dal centriçampe in regjon, fin cumò al è stât un sucès:

An 2016 Personis visitadis >prestazions erogadis
Fruts 0-6 agns 1.529 1.857
Fruts 6-14 agns 10.001 12.949
An 2017 (zenậr-lui) Personis visitadis prestazions erogadis
Fruts 0-6 agns 1.033 1.311
Fruts 6-14 agns 7.432 9.854
Total 19.995 25.971

A gratis la prevenzion odontoiatriche par fruts e fantats

Prevenzion orâl e cure, ancje cun aparâts ortodontics, a son i struments miôr par sigurâ ai nestris fîs une salût perfete dai dincj e un disvilup fisic coret.

Lis fassis de etât evolutive tuteladis dal program di prevenzion regjonâl a son dôs:

  • Fruts di 0 a 6 agns
  • Fruts e fantats di 6 a 14 agns

Dutis dôs lis fassis di etât a àn acès gratuit ai programs di prevenzion odontoiatriche par individuâ denant trat carie, malatiis paradontâls e di ducj i disturps che a fasin che lis arcadis dentâls no si sierin ben (malis oclusions).

Par chest, intai prins sîs mês di ativitât, a son stadis fatis 2.000 visitis scolastichis in dut il teritori regjonâl.

Il program di visitis scolastichis al cuvierzarà dute la popolazion des classis primis des scuelis primariis di prin grât. La opare di sensibilizazion e educazion ae igjiene orâl e tocjarà ducj i 50.000 fantats des primariis.

Visitis, curis odontoiatrichis e aparâts ortodontics a gratis

Lis fameis cun fruts di 0 a 6 agns no pain il ticket pes curis dai dincj. A àn ancje dirit a curis e aparâts ortodontics a gratis.

Pai gjenitôrs di fruts e fantats dai 7 ai 14 agns e je previodude la compartecipazion ae spese sanitarie paiant il ticket, che al è modulât su la fonde des fassis di redit e de gravitât de patologjie cjatade (indiç di Dibisugne di Tratament Ortodontic). Al reste invezit a gratis par cui che al è in cundizions di dificoltât economiche.

Ve i parametris sielzûts:

  • ISEE fin a 6.000 Euros e indice IOTN 4 o 5: curis e trataments a son a gratis
  • ISEE fin a 10.000 Euros: compartecipazion ae spese e aparâts ortodontics a presit calamirât
  • ISEE fin a 15.000 Euros: cost des curis daûr dal tarifari regjonâl e aparâts ortodontics a presit calamirât

Curis e aparâts ortodontics a presit calamirât

pai nuclis familiârs cun fruts di 7 a 14 agns cun malis oclusioni grâfs (IOTN 5) lis curis ortodontichis a son garantidis cuntune partecipazion ae spese daûr dai parametris di redit:

  • ISEE di 15.000 a 25.000 Euros: 150 Euros par semestri
  • ISEE di 25.000 a 35.000 Euros: 300 Euros par semestri
  • ISEE di là dai 35.000 Euros: 450 Euros par semestri

In ducj i câs, il cost dai aparâts ortodontics che lis fameis a àn di paiâ al è a presit calamirât.

La poie economiche ai trataments sanitaris inviâts e je garantide fin che il pazient nol vedi fat 16 agns. Curis ortodontichis e aparâts ortodontics a presit calamirât a son sigurâts ancje ai fantats che a àn plui di 14 agns di etât, se a àn di jessi sometûts a intervent chirurgjic coretîf su indicazion dal miedi odontoiatri dal Servizi Sanitari Regjonâl.

A son ben 5 gnûfs Pronts Socors odontoiatrics

In graciis des politichis dal Grup consiliâr PD e de Zonte regjonâl di centriçampe, ducj i citadins residents in Friûl - Vignesie Julie a àn a disposizion cinc gnovis struturis odontoiatrichis di urgjence.

I Pronts Socors pe diagnosi e pe cure des malatiis de bocje a son stâts ativâts in 5 puescj:

  • Triest - Cliniche Odontoiatriche e Stomatologjiche dal Ospedâl Maiôr
  • Gurize - Servizi di Odontostomatologjie, Presidi Ospedalîr
  • Pordenon - Chirurgjie Maxilofaciâl e odontostomatologjie, Ospedâl S. Marie dai Agnui
  • Udin - Chirurgjie Maxilofaciâl Ospedâl S. Marie de Misericordie
  • Glemone - Ambulatori odontoiatric Presidi Ospedalîr de salût

Intai prins sîs mês di ativitât a son stâts regjistrâts za 4.500 acès intes struturis sanitariis pe cure dai dincj.

I Pronts Socors odontoiatrics a son centris specializâts intes:

  • Curis urgjentis
  • Visitis odontostomatologjichis
  • Diagnosi e tratament des lesions orâls pretumorâls o tumorâls

Ducj i Pronts Socors odontoiatrics a àn inviât percors par controi smirâts ae prevenzion e al tratament precoç dal tumôr de bocje e si è daûr a voerzi un secont ambulatori a Udin.

Un sôl numar par acedi a ducj i servizis

Dutis lis prestazions a puedin jessi prenotadis:

  • intes speziariis de regjon abilitadis
  • tai uficis CUP des Aziendis dal Servizi Sanitari Regjonâl
  • clamant il numar unic pe salût e pal sociâl: +39 0434 223522

Il servizi di prenotazion telefoniche al è viert (ancje dome par informazions), di telefon fisse e mobil, dal lunis al vinars des 07.00 aes 19.00, e la sabide des 08.00 aes 14.00.

Il cost de clamade al dipent dal plan tarifari dal propri operadôr telefonic.

RIFERIMENTS

*Studio Organizzazione Mondiale della Sanità

Podaressin ancje interessàti chiscjui servizis: