Il Partît Democratic in Regjon al jude i anzians e lis lôr fameis cun contribûts economics pe cjase e pe assistence sociosanitarie

Il Friûl - Vignesie Julie e je la seconde regjon taliane par numar di anzians. La Zonte di centriçampe e je dongje des fameis in dificoltât

La vite medie dai talians e je plui alte di chê de Union Europeane (ISTAT). Cuant che a fasin dai 65 agns la spiete di vite e je di ancjemò:

  • 18,9 agns pai oms* (+ 7,5% a pet dal 2005)**
  • 22,2 pes feminis* (+ 4,3% a pet dal 2005) **

Lis cundizions di salût dai nestris anzians a son miôr de medie UE fin ai 75 agns. Di là di cheste etât, i talians a vivin intun stât di salût piês dai lôr coetanis europeans:

  • 1 anzian su 2 al patìs di une malatie croniche grave (o plui di une)*
  • il 23,1% al à limitazions motoriis gravis*

La famee taliane si è trasformade tant svelte (anzians popolazion e fameis/ISTAT). I anzians a vivin in fameis caraterizadis:

  • dal 44,2% di cubiis tra 65 e 84 agns cence fîs dongje
  • dal 19,9% di cubiis tra 65 e 74 agns cun fîs ancjemò in famee
  • dal 23,9% di fameis di chei parsore di 65 agns, componudis di membris ducj i doi anzians (al è il 12,7% pes fameis di chei parsore dai 75 agns)
  • di une percentuâl impuartante di nuclis formâts di personis solis (il 52% dai anzians dopo dai 84 agns)**

Il Friûl - Vignesie Julie al è la seconde regjon di Italie par numar di citadins anzians (dâts ISTAT 2017) che a rapresentin:

  • il 25,7% de popolazion regjonâl
  • il 3,4% in plui de medie taliane

Il numar des personis anzianis al è destinât a cressi e a son za gnûfs bisugns di sodisfâ. Par chest il Grup consiliâr PD e la Zonte regjonâl di centriçampe a àn riformât lis politichis sociâls e sanitariis. Vuê in Friûl - Vignesie Julie si fâs plui prevenzion e si doprin miôr lis risorsis par judâ cui che al è in dificoltât e lis fameis cun anzians. La Regjon e invistìs su servizis inovatîfs e su progjets che ur dan a dutis lis personis cun plui di 65 agns la pussibilitât di vivi in maniere serene la lôr etât.

Contribûts par sbassâ il fit aes personis di plui di 65 agns in dificoltât e aes fameis cun anzians

Plui di un tierç des spesis di une famee dal Nordest al è destinât ae cjase (Spesis par consums/ISTAT)***

Il cost dal fit al è un sacrifici masse grant pai citadins cun plui di 65 agns in dificoltât economiche e soredut pai nuclis cun bas redit cun anzians dispès no autosuficients. Par chest, la Regjon Friûl Vignesie Julie e jude i nuclis familiârs a sbassâ la spese cuntun contribût economic gjestît dai Comuns.

Il 95% des fameis che a àn domandât la poie e à un redit ISEE plui bas di 11.150 euros (la fasse plui basse)

Plui dal 70% des fameis a àn une dificoltât che si zonte ai problemis economics

Il 37% des fameis al à plui di une dificoltât che si zonte ai problemis economics

Chescj dâts a dimostrin che il Grup consiliâr PD e la Zonte di centriçampe a àn lavorât par dâ aiûts a dutis lis fameis che a vivin in cundizions di dificoltât plui grivie.

A trop che al rive il contribût sul cost dal fit

Il totâl dal contribût al è determinât su la fonde di ce che il cost anuâl dal fit al pese su la situazion economiche de famee. L'indicadôr patrimoniâl ISE nol pues passâ i 34.243 euros. A son dôs fassis di redit ISEE:

Fassis Contribût massim
ISEE fin a 11.150 euros Incidence dal fit tal ISE ca nol è sot al 14% 3.100 euros
ISEE fin a 16.420 euros Incidence dal fit tal ISE ca nol è sot al 24% 2.325 euros

Lis domandis di contribût a van presentadis ai Comuns di residence des fameis intune cu la certificazion ISE/ISEE. La poie economiche e cuvierç lis mesadis paiadis intal an di prime.

L’articul al va in denânt chì sote. Tu podis lassà i tiei datos par vé lis gnovis sui servizis cà son par te:

Contribûts pal acuist de prime cjase aes fameis cun anzians

La Regjon e finanzie cuntun contribût a fonts pierdût lis fameis cun anzian residentis in Friûl - Vignesie Julie che a vuelin:

  • cuistâ e recuperâ cun intervents edilizis la cjase là che a son a stâ (o plui unitât destinadis a abitazion comune)
  • recuperâ la abitazion di proprietât

I incentîfs introdots de Zonte regjonâl di centriçampe cu la poie dal Grup consiliâr dal PD a àn 3 obietîfs:

  • judâ a nivel economic lis fameis intal acuist de prime cjase
  • miorâ la cualitât des abitazions
  • miorâ la cualitât urbane dai abitâts e limitâ il consum di teren dal teritori

Ai nuclis familiârs cun anzians e aes personis cun plui di 65 agns al è assegnât un contribût maiorât di 2.500 euros a pet dai impuarts previodûts par altris categoriis. Par contrastâ il dispopolament de mont, il finanziament al è plui alt pes fameis che a son a stâ intai teritoris dai Comuns di mont. Ve ca i impuarts par ogni sorte di intervent:

INTERVENT CONTRIBÛT PAR FAMEIS CUN ANZIANS
Intervents par recupar: tai comuns di mont
Ristruturazion urbanistiche 15.500 euros 18.000 euros
Ristruturazion edilizie 15.500 euros 18.000 euros
Restaur e risanament conservatîf 15.500 euros 18.000 euros
Manutenzion straordenarie 12.500 euros 15.000 euros
Acuist e contestuâl recupar 17.500 euros 20.000 euros

Il program regjonâl di edilizie agjevolade al slargje il contribût ancje ai lavôrs par miorâ la eficience energjetiche o par meti a norme i implants de abitazion. La Regjon e ecuipare chescj intervents al recupar, se a vegnin fats almancul 3 di chescj lavôrs:

  • instalazion implants solârs termics o fotovoltaics
  • instalazion o sostituzion di cjalderiis pal riscjaldament e dai implants di riscjaldament (o ancje rifasiment)
  • isolament termic cun mûrs esternis verticâls
  • isolament termic di solârs (ancje di cuviertidure)
  • instalazion implants gjeotermics

Il contribût regjonâl pal recupar de prime cjase al pues jessi cumulât cul bonus fiscâl previodût de normative nazionâl. Pai intervents edilizis cun impuart di almancul 50.000 euros, lis fameis a beneficiin dai disgravis fiscâi pai coscj no cuvierts de misure regjonâl. No jentrin tra i coscj cun benefics:

  • lis spesis tecnichis
  • lis cjamis fiscâls
  • lis spesis di nodâr

Cui che al pues domandâ il contribût pe prime cjase

La misure economiche regjonâl e à il fin di judâ la famee cun anzian che al vûl cuistâ e sistemâ la cjase là che al vîf. Par cheste reson la famee che e domande il contribût e à di vê chestis carateristichis:

  • no jessi proprietarie, rude proprietarie o vê in ûs altris abitazions (la carateristiche e je domandade par ducj i components de famee)
  • no vê otignût altris finanziaments publics o agjevolazions pe prime cjase intai 10 agns prime
  • vê un ISEE fin a 29.000 euros
  • vê un ISE determinât ancje su la base di propriis componentis dal redit

Assensôrs intai condomins cun anzians: finanziât fin al 50% dal cost

Par miorâ la acessibilitât dai condomins là che a son a stâ anzians o personis cun disabilitâts tai moviments, la Regjon e finanzie fin al 50% de spese di instalazion dal assensôr. I edificis ametûts al contribût a àn plui di trê plans, a puedin jessi privâts e di edilizie publiche (ATER).

Domandis presentadis Domandis amitudis/singul contribût concedût
193 154 / 39.000 euros 25 / 16.000 - 38.000 euros

Il finanziament al è assegnât cuntun bant public.

Aes fameis cun anzians in carocele il contribût par cuistâ une machine adatade

La impussibilitât di cjaminâ e penalize la persone disabile e chês che i stan dongje. L'incentîf regjonâl al vûl dâ un contribût economic aes fameis cun a redit bas par adatâ o cuistâ une machine furnide pal traspuart dal disabil. O pe abilitazion ae vuide dal disabil. Lis carateristichis par domandâ il finanziament a son:

  • residence dal nucli familiâr in Friûl - Vignesie Julie
  • disabilitât motorie permanente de persone anziane
  • no vê za un mieç familiâr adatât
  • un ISEE fin ai 25.000 euros

L'impuart dal contribût al cambie daûr de fasse di redit dal nucli e de tipologjie di spese:

Intervents Spese massime ametude Fassis ISEE Finanziament %
Acuist di une machine gnûf/doprade 18.000 euros ISEE fin a

11.000 euros

40%
ISEE di 11.000 a 25.000 euros 20%
Adatament dal mieç 20.000 euros ISEE fin a

11.000 euros

95%
ISEE di 11.000 a 25.000 euros 85%
Acuist di une machine doprade bielzà adatade 18.000 euros ISEE fin a

11.000 euros

60%
ISEE di 11.000 a 25.000 euros 40%
Patente special 1.500 euros ISEE fino a 11.000 euro 95%
ISEE da 11.000 a 25.000 euro 85%

La Regjon e rimborse aes fameis i coscj assicurativis pal aministradôr di poie al anzian

Se une persone anziane no je plui in stât di curâ i siei interès e à bisugn di cualchidun che le judi e le protezi. L'aministradôr di poie al nas par rispuindi ai bisugns di personis che a patissin di:

  • malatie fisiche o psichiche
  • menomazions ancje dome temporaniis

E je une funzion sociâl preziose pal anzian e par dute la famee. Il Tribunâl al viôt de nomine dal aministradôr di poie tra chestis personis:

  • il coniugât o il convivent dal anzian
  • i parincj dentri dal 4° grât
  • la persone designade intal testament dal gjenitôr sorevivût
  • un volontari abilitât
  • un professionist

La Regjon e à previodût un contribût economic pes fameis che a sostegnin il cost di polizis assicurativis a pro di aministradôrs di poie volontaris. Il finanziament al è atîf ancje pai familiârs che a cjapin sù la incarghe.

Assistence domiciliâr: il servizi aes fameis cun anzians no autosuficients al cres dal dopli a pet dal rest di Italie

Vuê “curâ” nol vûl dî plui “ospedâl” ma servizis sanitaris difondûts sul teritori e assistence dai pazients cronics a cjase lôr. La Italie si sfuarce di organizâ la sanitât publiche daûr des esigjencis de popolazion che e ven viele (ricercje Italia Longeva):

  • i servizis sanitaris a cjase si drecin a anzians intal 87% dai câs
  • intai ultins 2 agns il numar dai anzians talians assistûts a cjase al è cressût: dal 2,3% al 2,8% de popolazion parsore dai 65 agns
  • in Friûl - Vignesie Julie i servizis sanitaris a cjase a son cressûts plui dal dopli de medie taliane: a tocjin il 6,2% de popolazion anziane****

Merit des politichis sostignudis dal Grup consiliâr PD e de Zonte regjonâl di centriçampe che a àn invistît inte assistence a cjase par permeti al anzian di vivi dongje dai siei ancje la malatie e il declin dovût a la etât. I obietîfs des curis a cjase a son:

  • la assistence par malatiis che no domandin il ricovar in ospedâl
  • la assistence ai malâts dimetûts des struturis sanitariis
  • il supuart ae famee
  • il recupar de autonomie dal malât
  • la miôr cualitât de vite dal pazient

La Regjon e à organizât il servizi in ogni Distret sanitari, coordenant il lavôr di assistence cui miedis di Medisine gjenerâl e cui servizis sociâi dai Comuns. A son garantidis cussì 12 oris di cure setemanâl a ogni anzian no autosuficient par:

  • prelêfs di sanc
  • gjestion des lesions di decubit
  • gjestion dal respiradôr automatic
  • riabilitazion psicomotorie dopo di un dam cerebrâl

Sperimentadis ancje formis di assistence teritoriâl

La Regjon e à sperimentât ancje formis di cure inovativis cun operadôrs sociosanitaris presints tal teritori:

  • ambulatoris infermieristics intes sedis dai Comuns plui decentrâts
  • infermîr di comunitât
  • presidi infermieristic intai borcs des citâts
  • servizi di mapadure dai bisugns e intervent daurman

De Regjon 40 milions di euros pes fameis che a viodin dai anzians no autosuficients

Une persone no autosuficiente no pues viodi di se. E à bisugn che le judin ancje pes ativitâts plui elementârs tant che lavâsi, vistîsi e preparâsi di mangjâ. No à plui une vite di relazion normâl. Lis fameis talianis a sopuartin tante part dal pês economic de assistence (rapuart RCCS-INRCA). I anzians no autosuficients a àn:

  • il 60% di pussibilitât di vivi intune famee disot dal nivel di puaretât
  • il pericul di puaretât al è il dopli cuant che lis spesis di cure a pesin pal 15-20% sul redit de famee*****

Par contrastâ l'impuariment des fameis, la Regjon Friûl - Vignesie Julie e jude cuntun contribût economic lis fameis cun anzians no autosuficients a cjame. In graciis de Zonte di centriçampe in Regjon e de poie dal Grup PD in consei il Fonts pe Autonomie Pussibile al è stât cressût ogni an. Intal 2017 al à finanziât intervents par 40 milions di euros. Lis fameis che a àn beneficiât a son 6.613.

I intervents economics e lis carateristichis par presentâ domande di contribût

Il Fonts pe Autonomie Pussibile al previôt pai nuclis familiârs cun anzians no autosuficients grâfs 5 gjenars di intervents:

  • Assegn pe autonomie: un contribût economic a pro de persone no autosuficiente e de famee che e viôt di jê
  • Contribût pal sostegn familiâr: benefici economic pes fameis che pal anzian a cjapin a vore cualchi assistent cun contrat regolâr o si indrecin a personâl che al lavore par cooperativis o agjenziis interinâls (in ducj i doi i câs, par almancul 20 oris ae setemane)
  • Poie ae vite indipendente: un contribût economic par personis cun grave disabilitâts buinis di sieltis autonomis. L'intervent al è un aiût al inseriment sociâl dal anzian
  • Poie a altris formis di emancipazion: intervent par anzians cun disabilitât grave che no rivin a fâ sieltis autonomis. Al è jude pal inseriment sociâl e pe emancipazion ancje dome parziâl de famee
  • Poie a progjets sperimentâi par anzians cun problemis grâfs di salût mentâl: misure a pro des fameis pe riabilitazion e pe inclusion sociâl

I impuarts dal contribût aes fameis a son determinâts daûr dal ISEE de famee e de gravitât de no autosuficience:

Intervent ISEE CONTRIBÛT MINIM CONTRIBUTO MASIM
Assegn pe autonomie Fin a 30.000 euros 1.548 euros l’an 6.204 euros l’an
6.816 euros l’an par lis demences gravis
Contribût pal sostegn familiâr Fin a 30.000 euros 2.760 euros l’an 10.920 euros l’an
12.000 euros l’an par lis demences gravis
Poie ae vite indipendente Fin a 60.000 euros 3.000 euros l’an 22.000 euros l’an
Poie a altris formis di emancipazion Fin a 30.000 euros 3.000 euros l’an 12.000 euros l’an

Residencis sanitariis assistenziâls gratuitis pai ricovars fin a 30 dîs

Lis Residencis Sanitariis Assistenziâls a son struturis pe cure e pal ricovar di personis no autosuficientis. Lis fameis cun anzians, che no puedin vê a cjase la assistence che a àn bisugn, si indrecin aes RSA che a ufrissin servizis sanitaris e riabilitatîfs a:

  • anzians no autosuficients
  • anzians no autosuficients in maniere temporanie
  • anzians cun disabilitât psichiche e fisiche

Lis tarifis a son fissadis su la fonde dal profîl assistenziâl:

Nivel assistence base Nivel assistence mezan Nivel assistence riabilitatîf
Ricovar gratuit pai prins 30 dîs Ricovar gratuit pai prins 30 dîs Ricovar gratuit pai prins 40 dîs
Tarife zornaliere de dì 31e di ricovar: 111 euros Tarife zornaliere de dì 31e di ricovar: 134 euros Tarife zornaliere de dì 41e di ricovar: 143 euros

La Regjon e ricognòs ai citadins residents in Friûl - Vignesie Julie un periodi di ricovar a gratis. Lis fameis a partecipin ae spese pal 50% de tarife pai dîs dopo.

RIFERIMENTI

**(ISTAT)
**(anziani popolazione e famiglie/ISTAT)
***(Spese per consumi/ISTAT)
****(ricerca Italia Longeva)
*****(rapporto RCCS-INRCA)

Podaressin ancje interessàti chiscjui servizis: