Il PD e il Guvier regjonâl di centriçampe a àn dât une borse di studi al 100% dai students universitaris meritevui

Lis tassis dai ateneus talians a son tra chês plui cjaris di Europe. Il Friûl - Vignesie Julie al jude i zovins des fameis cun redit bas che a van a la universitât

Lis tassis universitariis talianis a son lis tiercis plui cjaris de Union europeane e i contribûts a cui che al è cence mieçs no bastin. In Italie a rivin ae formazion superiôr simpri plui fîs di fameis abenadis (report Comission UE):

  • la spese medie e je di 1.316 euros
  • l'impuart al è cressût dal 4,3% intun an
  • dome 9 students su 100 a àn une borse di studi*
  • lis tassis a son cressudis dal 61% in 10 agns (ricercje UDU)**

Pal Grup consiliâr PD e la Zonte di centriçampe dal Friûl - Vignesie Julie i studis universitaris no puedin jessi une esclusive par pôcs. Par chest lis politichis regjonâls a judin cuntune borse di studi lis fameis cun redit bas.

Intai ultins doi agns, la Agjenzie Regjonâl pal dirit ai studis superiôrs (ARDISS) al à dât la pussibilitât di frecuentâ la universitât a ducj i fantats che a àn fat domande di jutori.

An Triest Udin
2014/2015 2.123 beneficāts 2.206 beneficāts
2015/2016 1.986 beneficāts 1.871 beneficāts

L’articul al va in denânt chì sote. Tu podis lassà i tiei datos par vé lis gnovis sui servizis cà son par te:

Ve cemût che il guvier di centriçampe al garantìs in concret il dirit al studi

I beneficis regjonâi a cuvierzin dutis lis esigjencis dai students impegnâts intai percors universitaris:

  • borse di studi
  • lozament intes residencis universitariis
  • contribûts pai contrats di fit
  • tarifis mense ridotis
  • agjevolazions pal traspuart
  • aiût pe formazion tal forest

I contribûts a son previodûts pai students iscrits a:

  • Universitât dai Studis di Triest e di Udin
  • Conservatoris di Triest e di Udin
  • Istitûts Tecnics Superiôrs di Triest, Udin e Pordenon
  • Academie di Bielis Arts di Udin

Cui che al à dirit ae borse di studi de Regjon

La borse di studi e je un contribût in bêçs. Il student che al à il benefici al è esonerât des tassis universitariis pal an academic in cors. A puedin domandâ il contribût i students meritevui:

  • iscrits ai cors dentri dai tiermins regolamentârs
  • cuntun ISEE familiâr fin a 23.000 euros
  • cuntun patrimoni familiâr massim di 50.000 euros (Bant ARDISS)

La cuote de borse di studi e varie daûr dal redit ISEE de famee e des cundizions dal student che al va daûr dai cors:

  • in sede
  • pendolâr
  • fûr di sede

I fantats iscrits tal secont an academic o ta chei dopo, a àn part dal contribût economic sot forme di servizi mense a gratis.

Universitât dai Studis di Triest e di Udin

La borse di studi e pues jessi domandade dai students iscrits a cors par:

  • lauree trienâl
  • lauree magjistrâl
  • lauree magjistrâl a cicli unic
  • specializazion (fale che pe aree mediche)
  • dotorât (fale che pes borsis di studi ministeriâi)

Lis carateristichis di merit a son calcoladis su la fonde dai credits formatîfs universitaris (CFU) dal secont an di imatricolazion. I students dal prin an di universitât a acedin al contribût in graciis des carateristichis di redit e patrimoniâls.

Students dai Conservatoris di Triest e di Udin

La borse di studi e je concedude ai students dai Conservatoris dal Friûl - Vignesie Julie iscrits tai:

  • cors dal Trieni superiôr di II nivel
  • cors dal Bieni specialistic di II nivel

Lis carateristichis di merit, di redit e patrimoniâls a son chês stessis dai students universitaris.

Students dai Istitûts Tecnics Superiôrs di Triest, Udin e Pordenon

I iscrits tai cors dai ITS de Regjon Friûl Vignesie Julie a puedin domandâ la borse di studi dulinvie dai studis previodude dai ordenaments didatics. Dopo de durade legâl dai cors no si à dirit a nissun aiût economic.

Lis carateristichis di merit, di redit e patrimoniâls a son chês stessis dai students universitaris.

Arlêfs Academie di Bielis Arts di Udin

Ancje i students de Academie di Bielis Arts a puedin otignî la borse di studi, se a son iscrits al diplome academic di prin nivel in dissen grafic pe imprese. Lis carateristichis di merit, di redit e patrimoniâls a son chês stessis dai students universitaris.

Cui che nol pues otignî la borse di studi

No puedin otignî la borse di studi i students che a àn za un titul di studi, talian o forest, dal stes nivel o di nivel superiôr a chel che a domandin il contribût. No puedin acedi ai beneficis i students iscrits a:

  • cors singui
  • cors di specializazion pes ativitâts di poie
  • cors di abilitazion al insegnament
  • cors di perfezionament

La Regjon e concêt un contribût ancje pal studi e pal tirocini tal forest

Il 59,8% di cui che e fâs ricercje in Italie al à fat periodis di studi tal forest (ISTAT).

Il confront cun students di altris Paîs e cu lis esperiencis in ateneus diviers di chei di divignince a influissin in positîf su la cariere dai universitaris***.

Il cost dai percors di formazion internazionâl al riscje però di escludi i students cun mancul pussibilitâts economichis. Par dâ plui oportunitâts di cressite a cui che al ven di fameis cuntun redit bas, la Regjon Friûl - Vignesie Julie e à previodût un contribût in bêçs pai periodis di formazion tal forest. Il benefici al pues jessi domandât dai students za titulârs di borse di studi.

L'impuart al è 160 euros al mês par 10 mês, e al pues jessi cumulât cui bonus stanziâts di Ateneus, Union Europeane e Ministeri pai singui programs di mobilitât internazionâl.

Servizis culturâi, pe agregazion, turistics e sportîfs

La Regjon Friûl - Vignesie Julie e concepìs il dirit al studi tant che un insiemi di oportunitâts ae puartade di ducj i universitaris. Di là des borsis di studi, il Guvier regjonâl di centriçampe al jude a sostignî il cost des iniziativis culturâls, agregativis, turistichis e sportivis che a interessin i students. I intervents a son:

  • l'acès a presits agjevolâts aes iniziativis culturâls
  • la organizazion di ativitâts sportivis universitariis o federâi
  • la promozion dal turisim in Italie e tal forest

La Regjon e finanzie i progjets concedint contribûts a cui che ju fâs cun proceduris justis e trasparentis. Ancje lis iniziativis di associazions e grups studentescs a puedin jessi sostignudis di fonts publics.

Par vê altris informazions sui servizis regjonâi ai students universitaris

http://www.ardiss.fvg.it/index.php

RIFERIMENTS

*(report Commissione UE)
**(ricerca UDU)
***(ISTAT)

Podaressin ancje interessàti chiscjui servizis: