Logo Al mio Fianco

Il Grup consiliâr dal Partît Democratic Friûl - Vignesie Julie al à cirût di rivâ a un grant obietîf in chescj cinc agns di aministrazion: chel di sostignî i citadins intai moments plui impuartants, e cualchi volte plui complès, de lôr vite.
Chi tu viodarâs qualchidun c’al à doprât i servizis cun sodisfazion tà momêns impuartàns da la so vite.

Cjate li lor storîs e i servizis par te

I servizis par gjenitôrs di fruts e fantats

Cjale la sô storie

Serena

La storie

Serena e je une zovine mame di Pordenon. Dopo de lauree trienâl, e à fermât di studiâ par podêsi dedicâ a so fi intai prins mês di vite. No à scugnût però sielzi tra viodi dal piçul e lâ indevant a formâsi: in graciis des sieltis dal centriçampe in Regjon, e à podût mandâ Giuliano tal nît cuntune riduzion su lis retis pai prins doi agns. Serena cussì e à podût tornâ a studiâ, rivant insom di une lauree magjistrâl e di un master.

Chiste a è dome une da li oportunitâs disponibilis pai genitôrs di frùs e zovins dal Friûl Vignesie Julie.

Scuvierz ducju i servizis

I servizis pai students

Cjale la sô storie

Lidano

La storie

Lidano al vîf a Çarvignan. Al à otignût di pôc la lauree magjistrâl in Siencis dal Guvier e Politichis publichis, cuntune tesi su lis Unions di Comuns. Dilunc dal percors formatîf al à podût vê a cualchi oportunitât impuartante, tant che la borse di studi, otignude traviers de Agjenzie Regjonâl pal Dirit ai Studis Superiôrs, e il tirocini di sîs mês sponsorizât dal Centri di Competence pe aministrazion publiche.

Chistul al è dome un dai percors disponibî pai studens dal Friûl Vignesie Julie.

Scuvierz ducju i servizis

I servizis pai zovins lavoradôrs

Cjale la sô storie

Melania

La storie

Melania e je un esempli perfet di “cerviel” che nol è scjampât tal forest. Al è ancje un esempli di chel che l'intervent des istituzions intal cjamp dal lavôr al pues rapresentâ par une vore di fantats. Vuê Melania e lavore intun studi grafic, dulà che e je stade cjapade cun contrat di formazion, ma la sô storie e scomence cuntun periodi curt di pratiche dopo de lauree, cun daûr un tirocini di sîs mês garantît dal progjet regjonâl PIPOL.

Chiste a è dome une da li oportunitâs disponibilis pai zovins dal Friûl Vignesie Julie ca van incuintri pà la prime volte al mônt dal lavôr.

Scuvierz ducju i servizis

I servizis pai lavoradôrs cun esperience

Cjale la sô storie

Fabrizio

La storie

Fabrizio al à cincuantecinc agns, al è maridât, al à doi fîs e di profession al à fat simpri il programadôr de produzion li di aziendis di dimensions mediis. Une vite serene fin che, intal 2013, no si è cjatât cence ocupazion e al à vût di frontâ la sfide dal lavôr autonom. Vuê Fabrizio si è riconcuistât une stabilitât, soredut in graciis dal so snait e (un pôc) ancje in graciis di Imprenderò 4.0, i cors regjonâi pe imprenditorialitât.

Chistul al è, però, dome un dai servizis disponibî pai lavoradôrs dal Friûl Vignesie Julie ca van in serce di gnovis oportunitâs.

Scuvierz ducju i servizis

I servizis pai anzians

Cjale la lôr storie

Franco e
Marisa

La storie

Franco e Marisa a son maridâts di cincuantecinc agns, a vivin a Gardiscje, e si dan tant di fâ pe lôr comunitât. Lui al met il so timp pe Universitât de tierce etât, che di chê al è braurôs: lu fâs di volontari, compagn che Marisa, che invezit e je impegnade dentri de Auser, la associazion pal invecjament atîf. A son dôs personis ancjemò in salût, che però a san ben cetant che al sedi indispensabil dâ une poie a cui che al è indenant cu la etât.

Pai pensionâts come lôr, par chei che invessit à son in dificoltât e pa lis famèis cai stan dongje, a son tancjus servizis da la regjon.

Scuvierz ducju i servizis